Ko te whakaaro te wāhanga tuatahi o te kaupapa tono. He tuhinga rāpopoto o te ariā mō te hōtaka tēnei, e rua ngā whārangi. Me whakauru atu ngā kaimahi, te utu, te hunga mātakitaki e whāia ana, me te wā whakapāho tika mō te hōtaka. Me tāpiri atu te whakaaro ki te whārangi mokamoka ā Whakaata Māori.

Tonoa mai tō whakaaro ki: proposals@maoritelevision.com

Ngā tohu puaki

• Kia poto, kia tōtika tō ariā.
• Me mōhio ki tō hunga mātakitaki, te reanga e whāia ana e tō hōtaka.

‍

Ka tirohia e to mātou rōpū kōmihana ngā whakaaro, e kohuki ana mō te kounga o te ariā, te rautaki mo te Reo me ngā Tikanga, te utu, te kaingākau o te hunga mātakitaki, ngā wheako mō te kamupene me te uara ki te rārangi hōtaka. O ngā whakaaro ka whai angitū, ka inoihia atu rātou mō ngā kaupapa tono matawhānui.

He tuhinga ā-mokamoka katoa kei roto i te kaupapa tono matawhānui. Me uru atu he tātaritanga o te takotoranga me te hanga o te hōtaka, he mahere Reo Māori, he tahua me tētahi rārangi hōtaka whakanaonga. Tirohia ngā aratohu i raro nei.

O ngā tuhinga ā-mokamoka ka whai angitū, ka tukua atu e ngā Kaikōmihana o Whakaata Māori he reta tautoko mō ngā tahua pūtea. Mā tēnei reta e mātua whakarite kei te tautoko tūturu mātou (te kaiwhakapāho) i te hanganga o te hōtaka, ā, ka whakapāhohia i te taenga mai ki te teihana. Ka hoatu pūtea anake a NZOA me TMP ki tētahi kaupapa kua whiwhi tautoko whakapāho mai i te mana e whakāeatia ana.

Neke atu i te haurua o ngā hōtaka ā Whakaata Māori ka hangaia e ngā rōpū hanga hōtaka o waho hei whakapāho i runga i Whakaata Māori.

Nā Te Māngai Pāho me Irirangi te Motu ngā pūtea tautoko ki te hanga i ēnei hōtaka. Ka tūhono a Whakaata Māori ki ngā wāhanga whakawhiwhi pūtea a te māngai tahua pūtea.

Kei raro nei ngā wāhanga whakawhiwhi pūtea mō ia māngai tahua pūtea. Ka puta i a Whakaata Māori he inoi mō ngā kaupapa tono. Ki te whiwhi i ēnei inoi, tonoa mai he imēra ki proposals@maoritelevision.com ka rau i ngā kupu ‘pānui mailer’ ki te whakaūpoko o te take.

He paearu anō tā ngā māngai tahua pūtea mō te whakatau i ngā hōtaka ka tautokohia ā-pūtea e rātou. Kei runga te roanga o ngā kōrero i ngā paetukutuku ā ngā māngai, i roto i ngā pānuitanga pērā ki ā rātou pūrongo ā-tau me te pānui whāinga (SOI). Ahakoa te tautoko a te kaiwhakapāho, karekau tērā i te whakaaetanga ka whiwhi pūtea te hōtaka mai i te māngai. I te mutunga o te whakatau a te Poari, ka whakamōhiohia atu e te māngai tahua pūtea ngā kaitono whai angitū. Mēnā ka whai angitū te kaitono, ka neke atu koe ki te wāhanga kirimana.

Arā atu ngā kirimana rerekē e ai ki te tūmomo hōtaka kua whiwhi tahua pūtea. He mea kitea noa ngā kirimana e rua. He Kirimana Tahua Pūtea Hanga Hōtaka (PFA) me te māngai tētahi (Te Māngai Pāho, NZ On Air rānei), ā, ko tētahi he Kirimana mō te Raihana ki te Whakapāho (LBA) me Whakaata Māori. I ētahi wā ka whakaaehia he kirimana kotahi i waenga o tō kamupene hanga hōtaka, te/ngā māngai me te kaiwhakapāho.

Me tuku koe kia hipa te kotahi marama (kia roa ake i ētahi wā), i mua o tō tīmatanga ki te hanga i tō hōtaka.

‍

Ngā tohu puaki

• Tirohia ngā hōtaka kua whai tahua pūtea mō tērā tau, ka tukuna ngā whakataunga tahua pūtea ki te paetukutuku ā TMP me NZOA.
  
• Me taunga ki tāu e whai nei, rangahauhia ngā hōtaka kua utua e Whakaata Māori, kimihia he wāhi waatea mō tō ariā i roto i te rārangi.

‍

Ngā Hononga Whaihua
Te Huapae Our Plan for Success Māori Television
New Zealand on Air
Te Mangai Paho
Nga Aho Whakaari
New Zealand Film Commission
Directors & Editors Guild of New Zealand
New Zealand Writers Guild
The Screen Production and Development Association
Women in Film & Television
The Screen Industry Guild

‍

Links on Technical Requirements

Presentation Cue Sheet
HD End Tags
2017 Simple File Delivery Workflow
AAF + VISION Requirements Acquisitions 2016
File Delivery Specs - Audio Channel Assignment
Māori Television File Delivery Specification v1.5 2016
MTS Header - Audio Line Up Tone Sequence
MTS Spec Summary March 2021
MTS TVC Specs 2018
Simple Audio for Broadcasters‍

‍MTS File Delivery Header-HD

‍

Kei raro nei ngā whakatakotoranga whakanaonga hangarau me ngā rauemi Hanga Hōtaka.

Kei raro nei ngā tikanga tuku ratonga ā Whakaata Māori.