“Tēnei te mihi ki te Minita Whanaketanga Māorimōna e tautoko nei, e ārahi nei, otirā, i tāna whai ki te paremata i teiti o te pūtea kua tukunaki te rāngai i roto i ngā tau. He whaianō ki te whakapakari i ngā kaimahi o te rāngai, kia kaha te whakaatupakiwaitara Māori mā te reo Māori me te reo Ingarihi, kia nui atu anō ngākaupapa Māori hei mātakitaki mā te minenga.

Kua whakaū te arotake ite tūranga hira oWhakaata Māori ki te whakaāheii tā ngāi Māori tuku i ngā kaupapa Māori mā te reo Māori,mā te āhua Māori hoki,” koia tā te Tāhuhu Rangapū o Whakaata Māori, tā ShaneTaurima.

“He mea whakaatu anō tēnei, e tika ana kia wawe tāte kāwanatanga aro ki te rerekē o tāna tuku pūtea tautoko ki te Rāngai PāpāhoMāori, tērā i tāna tuku pūtea ki ngā umanga pāpāho tauiwi. He nui kē atu ngā kawenga a ngākaiwaihanga kaupapa Māori, engari he iti iho te pūtea. Kua roa kē e pēnei ana te iti o te pūtea, kāore hoki i taurite. Nā tērā, kua aupēhia te whanaketanga me teeke panuku o te rāngai i te horanuku hurihuri o te ao pāpāho. E ngākau roroku ana mātou i runga i te manakonui ki tā te RāngaiPāpāho Māori me te HinongaPāpāho Tūmatanui whakatika i taua hē.”

“He rite tonu ngā take e pā mai ana ki te RāngaiPāpāho Māori ki te whakarata, ki te pupuri hoki i ō mātou tāngata, i ō mātouiho pūmanawa. I tēnei rā, imanaakitia e Whakaata Māori ngā māngai o te RāngaiPāpāho Māori. Ko te wānangatuatoru tēnei i mahi ngātahiai mātou ki te whakatakoto ara e tupu ai te kāhuikaimahi ināianei, otirā, ā ngā tau e tū mai nei.

“He rāngai kaha, he rāngaimanawaroa hoki mātou,engari, e tika ana kia takoto tētehirautaki, kia whai rauemi hoki taua rautaki, kia tupu te tokomaha o tehunga kōrero Māori, te hunga waihanga kaupapa, me ngā tohunga hangarau. Me te aha anō, kia whai wāhi ai tetirohanga Māori ki ā rātou mahi. Mewhai ara mahi hei whakarata i te hunga rangatahi. Kia tika, kia taurite te pūtea me ngā momo tikanga whakamihikaimahi. Me āta tautoko te rāngai kiatika mō ngā rā anamata.

E ngākau reka ana mātou ki te mahi tahi me tehinonga pāpāho tūmatanui hou kia whaihua ngā apataki katoa, kia kaua rātētehi e mahue kimuri. E hiahia ana mātou kite mahi tahi, ki tewhakaaro nui, ki te whakaū hoki i tō mātou whakapapa me te rangatiratanga. E takoto mai ana te ara kia pai ake ngā mahi whai wāhi atuki te tono, te tuku me te whakapāho kaupapaki ngā paepāho. Āpiti atu, kote whai rauemi me te mahi ngātahi.”

Kei te mihi a Whakaata Māori ki te whakataukia whakahoutia te tureAra Whakaata Irirangi Māori (Māori Television Service Act).

E tautoko ana mātou ite whakatau kia whakarerekētia tā mātou ture, kiaunuhia te arongaki te pouaka whakaata, kia hāngai kē ki te whanaketanga o ngā whanongaapataki me te hangarau. Mā tēnei kapai ake te tautoko i tā mātou mahi hei hinonga pāpāho e kawe ana i ngā kaupapawhakahihiri ki te reo Māori, ki ngā pae pāho huhua anō hoki.

Nō te tau 2018 ka tīmata te arotake i te rāngai. Kua puta te whakatau i te marama nei oMahuru Māori. Ko te Te Wiki o te Reo Māori e heke mai nei, ko ōna hui whakamaumahara i te 50 tau mai i te tāpaetanga o te petihana reo Māori ki tePāremata i te tau 1972.

“E tū nei a Whakaata Māori nā ngā mahi a te hunga itohe kia ora tonu te reoūkaipō. Ahakoa e tika ana kia whakahīhī i tērā, he nui tonu ngā mahi heiwhakatutuki. E ngākau reka ana mātouki te tautoko tonu i ngā mahi whakarauora reo hei tautoko i te rere o te reoMāori, kia tupu te ahurea me te tuakiri o te motu,” tā Taurima.

I roto i ngā pūrongo a Whakaata Māori, kei te piki haerete tokomaha o te hunga mātakitaki mā te 11% ki ngā pae pāho katoa. Kei te piki anō te ōrau o te hunga mātakitaki mā te 21% i tāmātou pūrongo ā-tau mō te tau 2021/22.

Kua whai wāhi atu a Whakaata Māoriki te rangapū e kīia nei ko te WorldIndigenous TelevisionBroadcasters Network (WITBN). He kāhui pāpāho iwi taketake nō ngā whenua pērā iAhitereiria, i Kānata, i Hawai‘i, i Taiwana, i Nōwei, ki te tiaki me tewhakatairanga i ngā reo me ngā ahurea taketake o te ao. Ka whakarewahia te Tekau Tau o ngā Reo Taketake o te Ao i tēneitau.

‍