Ki Māori+  whakarewahia ai TE PĀMU KŪMARA ā te 7pm o te Paraire, te 29 o ngā rā o Hūrae. E ono katoa ngā hōtaka 10 mēneti te roa.

Hemea tautoko tēnei terenga nā Te Māngai Pāho. Ko Tai (Owairea Tawera, e 12 ōna tau) te kiripuaki matua, he whānauhautupua tōna.   Ko tā rātou, he whakahaere toa hoko huawhenua ki tō rātou pāmu kūmara.  Ahakoa te minamina mai o te hunga hokowhenua, ka ū tonu rātou ki te pupuri i te pāmu.

E ai ki te kaiwhakahaere o Kura Productions, ki a Te Ataraiti Waretini, he kaupapa whakahirahira tēnei.  Hei tāna, “Kua kore e taea tēnei momo whakaari e rima tau ki muri nei.”

“Kua roa te iwi e oke ana kia tupu ai ngā tamariki ki te reo Māori, engari, hoki rawa ki te kāinga, he whakaari reo Pākehā anake ērā hei mātakitaki mā rātou.”

“I waihangatia TE PĀMU KŪMARA mā ā tātou tamariki hei whakaata i ngā uara Māori mā te reo Māori”.

“Ko te mea nui, he mea whakaatu i te ao hurihuri, ināianei, toko maha ake ngā tohunga tuhituhi, ngā ringatohu, ngā kaimahi me ngā kaiwhakaari Māori e hiahia ana kia kounga ngā kaupapa mā ngā tamariki.”

Ko tētehi āhuatanga hirahira,“I uia tētehi o ngā tamariki, ‘He pēhea te mahi ki tētehi whakaari Māori ki tereo Māori?’  Ka whakautu atu, ‘He māmā, nā te mea ko taku ahurea me taku reo.’

“Ehara i te mea ko te reo Māori anake engari he taiao Māori.  Etika ana kia rongo ā tātou tamariki i ngā whakaari ngahau, mīharo anō hoki ki te reo Māori, e hāngai pū ana ki a rātou.”

EPISODIC BILLINGS

EPISODEONE: TAONGA –  Ka tono Grace ki te hoko i te pāmu i a Nan rāua ko Tai.

EPISODE TWO: KUA HOKI MAI A MĀMĀ – Kua māuiui a Nan, ā, ka hoki mai a Marama rāua ko Nīkau ki te whakahaere i te pāmu.

EPISODE THREE: TE PŪRERETANGA – Ka whai  a Tai rāua ko  Amaia kia pūrere a Nan i te hōhipera.

EPISODE FOUR: TE KAUHANGANUI – E mate ana ngā tupu,ahakoa te mataku, ka aro a Tai ki tana matakitetanga.

EPISODE FIVE: NGĀ HAUTUTŪ – He mahi nukarau tā ngā tamariki kia wehe ai a Grace i te pāmu.

EPISODE SIX: TAHUNA – Kei rapu tonu a Tai i te take e mate nei ngā tupu.

‍

‍